Aginnasideg da Bise Presidente Sara Duterte ken ni sigud a VP Lenu Robredo iti kabaruan a Pulse Asia survey para iti 2028 presidential elections.
Nakagun-od ni Duterte ti 51% kontra iti 41% ni Robredo bayat 8% dagiti respondent nga undecided.
Agtaltalinaed a natibker iti suporta kenni Duterte idiay Mindanao nga addaan ti 91%, ngem lamang met ni Robredo iti Luzon iti 55% kontra 33%, bayat a dandani tablada iti NCR.
Segun kenni Stratbase Group President Victor Andres Manhit, narigat a mapagtalinaed iti nangato a survey ratings iti intero a kampanya ken mabalin pay a bumassit iti agwat no mapapigsa ni Robredo iti suporta kadagiti rehiyon ken mangallukoy dagiti undecided voters.
Naisayangkat iti nasao a survey idi Mayo 3 aginggan 7, 2026 kadagiti 1,500 respondents iti sapasap a pagilian.###
