BR LA UNION – Mangideploy iti Department of Labor and Employment (DOLE) ti nasurok 240,000 a mangmangged iti sidong ti Tulong Panghanapbuhay sa Ating Displaced Workers (TUPAD) program tapno tumulong iti Brigada Eskwela ti Department of Education, sakbay ti nakatuding a panaglukat ti klase inton Hunyo 8, 2026.
Mangrugi ti deployment inton Lunes, June 1, 2026 maysa a lawas sakbay iti panagrugi ti klase para iti SY 2026-2027.
Segun kenni DOLE Secretary Francis Tolentino, maiturong dagiti mangmangged iti naduma-duma a lugar iti intero a pagilian tapno tumulong iti panaglinis, panagpintor, panagtarimaan ken panagisimpa dagiti pasilidad tapno naurnos iti panagrugi ti baro nga school year.
Umabot iti 5,000 nga eskwelaan iti target ti DOLE a pangimuntaran dagiti TUPAD workers.
Idaulwan ti Department of Education (DepEd) iti koordinasyon kadagiti mangmangged.
Kinuna pay ti sekretaryo, agpada a mabenipisyaran ditoy dagiti eskwelaan ken mangmangged agsipudta maipaayan da met ti suweldo iti pannakai-deploy da kadagiti eskuwelaan.
