Impatulod ti Philippine Navy iti BRP Miguel Malvar tapno makipaset iti Rim of the Pacific (RIMPAC) Exercise idiay Hawaii.
Iti RIMPAC 2026 ti kadakkelan nga international maritime warfare exercise a maisaysayangkat tunggal ‘even-numbered’ a tawtawen.
Indauloan ni Navy Flag Officer in Command Vice Admiral Jose Maria Ambrosio Ezpeleta iti send-off ceremony ti barko sadiay Naval Operating Base, Subic, Zambales.
Segun kenni Ezpeleta, daitoyen iti panagsubsubli ti Pilipinas iti panagsanay manipud idi tawen 2022 ken mangpatibker iti panagkumit ti pagilian a kas “credible partner” babaen ti SAIL Plan 2040.
Innayon na pay nga agserserbi kas gundaway iti panagsanay tapno mapasayaat pay lalo iti disiplina ken propesyonalismo dagiti mangibagi iti Pilipinas.
Kabayatanna, malaksid iti BRP Miguel Malvar ket makipaset metlaeng iti BRP Gabriela Silang manipud Philippine Coast Guard (PCG) iti RIMPAC exercise 2026.
