Natay ti saan a bumaba a 21 nga indibidwal, bayat a 19 pay dagiti nadundunor, kalpasan a maaksidente ken mauram ti pampasahero a bus idiay Nassiriya, Iraq.
Segun kadagiti otoridad, napukawan ti kontrol iti driver kabayatan iti panagbiahe iti maysa a highway, rason a mabaliktad ken sumabog iti nasao a bus.
Pinasingkedan dagiti pulis ken health officials a kaadwan kadagiti nadundunor ket adda iti kritikal a kondisyon gapo iti kinakaro iti uram a sinagaba da.
Imbilinen ni Iraqi Prime Minister Ali al-Zaidi ti dagos nga imbestigasyon tapno madakamat iti rason ti trahedya kasta met para kadagiti maseknan nga ahensya ti gobierno a mangisubmitir ti bukod da a report.
Pagaammo a kadawyan a rason ti aksidente idiay Iraq ket ti over speeding, dadael a kalsada, ken nakapsot nga implementasyon dagiti paglintegan ti trapiko.
