Nakaam-ames iti umuna nga aldaw iti klase para ti 36-anyos a School Head ti Naga Elementary School a ni Anthony Pardilan idiay Quinapondan, Eastern Samar kasaruno a nakita ti bangkay na iti nasamek a paset iti Barangay Alang-Alang, nga addaan ti tallo a bagsol ti bagi na.
Inarestaren ti kapulisan pulis dagiti agkasinsin a suspek nga agtawen laeng ti 22 ken 18. Narekobre kadakuada ti motorsiklo a nausar iti panaglibas, bayat a ti motibo ket madama paylaeng a maim-imbestigaran.
Kinondenar metten ti Department of Education Region VIII iti pammapatay. Nangipadanon ti ahensya iti pannakiladingit kagiddan ti panangawag iti hustisya, kasta met iti napigpigsa nga addang para ti proteksyon dagiti mannusuro ken komunidad kadagiti pagadalan.
