Plano ti Department of Agriculture (DA) nga aramiden kas sentro ti panagkalap ken agrikultura idiay Eastern Visayas ti Mapanas, Eastern Samar.
Segun kenni Agriculture Secretary Francisco P. Tiu Laurel Jr., dakkel a paset ti Mapanas ken dadduma pay a lugar idiay Northern Samar iti karaman ti long-term food security agenda iti gobierno.
Daitoy ket gapo iti nabaknang da a kabaybayan ken nalalawa a talon pang-agrikultural a mabalin nga agserbi kas kangrunaan a pagtaudan ti taraon ken pagbiagan ti rehiyon.
Nangiwaras ti DA ti P4.7M a gatad ti tulong pang-agrikultura sadiay Northern Samar, karamanen ti de-kaledad a bin-i, farm inputs, ken arawaten babaen kadagiti nagduduma a programa.
Nangipaay pay ti ahensya iti tulong-pinansiyal kadagiti nasurok 2K a kuwalipikado nga benepisyaryo iti sidong ti Presidential Assistance to Farmers and Fisherfolks.
Malaksidna ket ti kanayunan a P293M a gatad ti crop ken fishery insurance coverage babaen ti Philippine Crop Insurance Corp. (PCIC) tapno masalakniban dagiti mannalon ken mangngalap kontra ti epekto dagiti bagyo, panaglayos, ken dadduma pay a peggad nga inggubuay ti dakes a panawen.
