Ataltalek ni Presidente Ferdinand Marcos Jr. a kabaelan nga idauloan ni Senador Francis “Chiz” Escudero ti impeachment trial kontra kenni Bise Presidente Sara Duterte.
Ni Escudero iti agserbi kas presiding officer ti Senate Impeachment Court.
Ti waragawag iti ni PBBM ket mainaig idi nadamag isuna kadagiti kritisismo kenni Escudero seknan ti posible nga akem na iti panagusig.
Kinunana nga opinyon laeng dagiti pammabalaw ken saan a rumbeng a pagbasaran iti kabaelan ti maysa a senador.
Impaganetget na pay a ni Escudero mismo iti nagpanday-linteg kadagiti allagaden nga inusar ti Senado kadagiti naglabas nga impeachment proceedings.
Innayon na a saan a maibilang a pagsungbatan ni Escudero ti pannakaipasardeng ti naglabas nga impeachment trial agsipud ta resulta daitoy iti desisyon ti Korte Suprema, ken saan a gapo iti nagkurangan ti siasinoman a senador.
