Ngimmato ti Netherlands iti Group F kalpasan a tambakan da iti Sweden, 5-1, babaen ti tig-dua a goal da Cody Gakpo ken Brian Brobbey iti FIFA World Cup.
Nasapa nga inkabil ti Oranje iti kontrol ti laban idi luktan ni Brobbey iti iskor iti maikalima a minuto manipud iti assist ni Gakpo. Kalpasan ti 12 a minuto, nakapuntos manen daytoy idi masarapa iti low cross ni Denzel Dumfries para iti abante a 2-0.
Pinadas ti Sweden a makabawi ken gastay a nakaiskor iti umuna a kagudua a paset ti ay-ayam babaen kenni Gustaf Lagerbielke, ngem naipaigid iti goal gapu ti offside.
Iti panagsubli kalpasan ti halftime break, ad-adda pay nga immadayo iti Netherlands kalpasan a makailista ni Gakpo ti nagsaruno a goal iti maika-47 ken maika-54 a minuto. Immuna a pinalpas na iti maysa a gundaway manipud iti asideg sakbay a nangipakita ti napigsa a tira manipud iti igid ti box tapno aramiden a 4-0 iti bentahe.
Nangipaay ti napateg a namnama iti Sweden idi makaiskor iti substitute a ni Anthony Elanga iti maysa a napartak a counterattack iti maika-59 a minuto. Nupay kasta, naan-anay a sinelyoan ni Crysencio Summerville iti balligi ti Netherlands babaen ti maikalima a goal iti maika-89 a minuto.
Gapu iti pannangabak, naartapan ti Netherlands iti Sweden iti liderato ti Group F ken ita ket addaan ti maysa a puntos a kalamangan sakbay iti sumaruno a laban iti grupo iti nagbaetan ti Japan ken Tunisia.###
