BR LA UNION – Napaay a magun-od ni Eman Bacosa Pacquiao, anak ni eight-division world champion Manny Pacquiao, iti Philippine Boxing Federation (PBF) lightweight title kalpasan nga inabak ni Rodelyn Perez iti majority decision ita a rabii ti Domingo idiay DRP Sports Complex.
Ibilang a paborito iti laban ni Pacquiao gaputi record a walo a panangabak, maysa nga abak ken maysa a tabla, kabilang iti lima a panangabak a knockout.
Nupay kasta, saan a nagpa-atiw ni Perez ket impamatmat na ti laing na iti depensa ken agresibo nga opensiba tapno magun-od ti pabor kadagiti hurado.
Iti panagleppas ti laban, naideklara ni Perez kas baro a kampeon kalpasan a nagun-od na ti majority decision, a nanggibus iti lima a nagsasaruno a panangabak ti ubing a Pacquiao sipud idi Pebrero 2023.
Sakbay ti laban, iggem ni Perez iti record a 5 panangabak ken uppat a pannakaabak.
Kabilang kadagiti naipangabak na ket laban kada Nathaniel Bonggo ken Conrado Tanamor.
