BR LA UNION – Nangidatag ti kaso a kriminal dagiti otoridad kontra iti 15-anyos nga estudyante a karaman iti pammaltog idiay San Jose National High School idiay Tacloban City.
Tallo nga estudyante ti natay ken 15 dagiti nasugatan iti insidente.
Iti maysa pay a 14-anyos nga estudyante ket adda iti kustodiya dagiti otoridad mainaig met laeng ti nasao a kaso.
Agpada dagitoy a naipasidong iti aywan ti City Social Welfare and Development Office bayat nga agtultuloy iti imbestigasyon.
Iti imbestigasyon, agparparang a maysa a kitkitaen nga anggulo iti insidente ket possible a bullying, ngem inlawlawag ti Police Regional Office 8 nga agtultuloy pay laeng ti naun-uneg nga imbestigasyon.
Segun iti PRO 8, saan da nga ipa-igid iti dadduma pay a possible a motibo, ken agtultuloy nga ad-adalen iti amin nga impormasyon a nakalap.
Rimwar pay iti imbestigasyon a possible nga ad-adu a putok ti paltog iti inaramid ti ub-ubing a suspek.
Kabayatanna, maim-imbestigaran ti maysa a babae a pulis nga ikit ti maysa kadagiti suspek kalpasan a nausar ti paltog na iti sa insidente.
Segun iti pulisya, naka-restrictive custody iti opisyal ken naikkat metten iti puwesto bayat nga agtultuloy ti administrative investigation.
Plano pay dagiti otoridad nga iraman a kaswan iti nagannak dagiti suspek.
Siniguro ti PRO-8 a dua laeng a menor de edad iti direkta a karaman iti pammaltog.
