Impasiguro ni Ateneo de Manila University (ADMU) President Fr. Roberto “Bobby” Yap iti National Bureau of Investigation (NBI) a makitinnulong iti unibersidad ti imbestigasyon mainaig iti pannakalmes dagiti dua a student-athlete da idiay Aurora.
Simmangpet ni Yap idiay NBI itay bigat kalpasan a mapaayaban isuna babaen ti subpoena ad testificandum ken duces tecum iti NBI-Homicide Division.
Kadwa ti abogado na ket insubmitir da dagiti nakiddaw a dokumento seknan ti pannakatay da Ateneo rookie Rene Baterbonia ken Divine Adili.
Idi Hunyo 19, saan a nakadar-ay ni Yap iti imbestigasyon gapo iti panagatendar ti graduation ceremony; dua nga abogado laeng ti impatulod na a kas courtesy call.
Posible a leppasenen ti NBI iti imbestigasyon ken isubmitir sadiay Department of Justice (DOJ) dagiti findings.
Mainaig kadaitoy ket impasigurado metlaeng ni NBI Director Atty. Melvin Matibag kadagiti pamilya ti atleta iti patas nga imbestigasyon ken pagsungbaten ti siasinoman nga adda pakainaigan na iti trahedya.
Kabayatanna, inwaragawag ti Department of the Interior and Local Government (DILG) a 11 nga indibidwal iti makasoan gapo iti panangtikaw iti rumbeng a team building laeng a nagtungpal iti hazing.
Inlawlawag da pay a saan a karaman iti kaso ni Father Roberto Yap.
