Temporario a sumardeng iti Estados Unidos ken Iran kadagiti opensiba ti militar kalpasan iti sumagmamano nga aldaw a tension asideg ti Strait of Hormuz, segun iti maysa nga opisial ti administrasion ni U.S. President Donald Trump.
Panggep daytoy a masigurado iti natalged ken nawaya a panagdalyasat dagiti lugan pangbaybay idiay Strait of Hormuz. Nupay kasta, saan pay a pormal a pinasingkedan ti Iran iti nasao a katulagan.
Nakatuding met nga agtaripnong dagiti nangibagi ti dua a pagilian idiay Doha, Qatar, inton Martes tapno ituloy iti diplomatiko a saritaan ken talantanen dagiti addang tapno mapagtalinaed iti kinatibker iti rehion.
Nagpakdaar ni Trump nga aggunay manen iti Estados Unidos no agtultuloy dagiti panagraut ti Iran, bayat nga inpaganetget met ti Tehran nga aniaman a panaglabsing iti katulagan ket mabalin a mangpasardeng iti saritaan pangkappia.###
