Inlawlawag dagiti eksperto iti maysa a parke ti estado idiay California ti maipapan iti elephant seal a nasiputan nga addaan iti naidumduma a lila a kolor iti bagina.
Segun kadagiti opisial ti Año Nuevo State Park, natakuatan da ti seal idiay Bight Beach a kasla “nadigos iti tubbog ti ubas” gapu iti naraniag a kolorna.
Idi damo, rimsua ti nadumaduma a pattapatta maipapan iti nagtaudan ti naisangsangayan a kolorna, agraman ti maipagarup a pannanganna kadagiti purpura a sea urchin wenno mabalin a panagpadara iti uneg ti bagina.
Nupay kasta, inlawlawag dagiti eksperto a ti pudno a makagapu ket ti seal a nakaidda kadagiti nalabaga nga algae a masarakan iti aplaya. Gapu iti daytoy, kumpet ti kolor dagiti algae iti kudil ti ayup ket agparang a namaris ti intero a bagina.
Iti maysa a statement iti Instagram, kinuna dagiti opisial ti parke a nakadkadlaw ti langa ti seal kalpasan a naginana iti rabaw ti nalabaga nga algae, a kinunada a kasla perpekto para iti panangrugi ti kalgaw.
