Itantandudo ni Marikina 2nd District Rep. Miro Quimbo ti dagus a pannakaipasa ti National Water Resources Management Act tapno masigurado ti umdas a suplay ti danum iti baet ti pangta ti El Niño.
Segun kenni Quimbo, saan laeng a problema ti aglawlaw ti kinakurang ti danum no di ket banag pang-salun-at ken ekonomia gapu ta apektaranna dagiti pamilia, negosio ken serbisio publiko. Tarigagay ti House Bill No. 6789 a mangipasdek ti pannakabukel ti Department of Water Resources ken Water Regulatory Commission.
Inaprobaran ti Kamara ti bill iti maikatlo ken maudi a pannakabasa idi Disiembre 22, 2025, ken naipatuloden iti Senado para iti maitutop nga aksyon.
Impaganetget ni Quimbo a kasapulan ti nasaysayaat a koordinasion manipud kadagiti ahensia ken ti napaut a panagplano tapno mataming ti panagkasapulan iti danum, nangruna iti panawen ti nakaro a tikag.
Mangnamnama a dagus nga umabante ti singasing iti Senado tapno maipaulog ken mapapigsa ti kabaelan ti pagilian a mangipasigurado iti seguridad ti danum kontra iti posible a Super El Niño.
