Kinanselar iti International Criminal Court (ICC) Trial Chamber III iti nakatuding a July 14 status conference ti kaso ni sigud a Presidente Rodrigo Duterte kalpasan nga ibatad dagiti partido ken dadduma pay a dasig nga awanen iti problema pay a nasken a pagsaritaan iti agdama a paset iti proceeding.
Agtalinaeden iti status conference inton Setyembre 16, bayat a ti pormal a panagusig kadagiti kaso a crimes against humanity kontra iti sigud a Presidente ket mangrugi inton Nobiembre 30, 2026 idiay The Hague, Netherlands.
Sakbayna ket intudingen ti ICC dagiti pre-trial deadlines para iti panangisubmitrir kadagiti listaan dagiti testigo ken ebidensya manipud prosekusyon ken depensa kas panagsagana iti panagusig.
Manamnama met a personal a dumar-ay ni Duterte inton sumaruno a status conference, malaksid laengen nu adda iti baro a pammilin manipud iti korte.
