BR LA UNION – Saanen nga ituloy ni National Bureau of Investigation (NBI) Melvin Matibag ti biyahe na idiay Bangkok, Thailand tapno dumar-ay koma iti regional summit a nakatuding inton Hulyo 21 agingga 22.
Kinumpirma daytoy ti NBI chief idi kalman, Huwebes, Hulyo 16 tapno makadar-ay ken tumestigo iti impeachment trial inton Lunes, Hulyo 20.
Ngem malidayan ti NBI chief iti nasayang a gundaway gaputa target na koma a matalantan iti sumagmamano nga isyu, intelligence network ken kanayunan a koordinasyon kenni Federal Bureau of Investigation Director Kash Patel iti face-to-face meeting dagitoy.
Immuna ti daytoy, inimbitaran ti FBI chief iti NBI a dumar-ay iti regional summit agsipudta maysa ti nasao nga opisina a timmulong iti napaspas a pannakaisubli ti maysa kadagiti most wanted idiay Amerika.
Kabayatanna, imbaga ni House Prosecutor ken Iloilo Representative Lorenz Defensor, nga agbalin a nalawag ken kumpleto dagiti ebidensya ti prosekusyon para iti kaso a grave threat kontra iti Bise Presidente, apaman a tumakder ni Matibag iti witness stand.
