Nagballaag ti Cardiologist a ni Dr. Rafael R. Castillo iti publiko kontra kadagiti makaallilaw nga online advertisements dagiti herbal products a maipakpakaammo nga agas iti nadumaduma a sakit kas ti diabetes, kanser, sakit ti puso ken bato.
Nupay adda dagiti sumagmamano a makaagas a mula a mabigbig para iti espesipiko a pangusaran, kas iti lagundi, sambong, jungle tea, bawang, parya ken bayabas, ket saan kuma a maibilang dagitoy a kasukat dagiti agas nga inreseta ti doktor wenno ti umno a panangagas.
Dagiti scammer ket kadawyan nga agus-usar kadagiti peke a testimonial, AI-generated video dagiti nalatak a personalinad, ken dagiti maibagbaga “natural isu nga awanan ti side effects” ken “isardeng dagiti maintenance medicines” tapno pare allukuyane iti publiko a gumatang ti produkto da.
Maallukoy iti publiko a siguraduen a dagiti produkto a gatangen ket nairehistro iti Food and Drug Administration (FDA), saan a mamati kadagiti online endorsements, ken agpakonsulta pay nga umuna iti doktor sakbay nga agusar iti aniaman nga herbal supplement, nangruna no agtomtomar ti maintenance medicines.
Innayon na pay a ti nasayaat a salun-at ket agpannuray iti umno a taraon, regular nga ehersisio, umdas a panaginana ken dagus a pannakaagas, ken saan a kadagiti produkto a mangikarkari a makaagas ti ado a sakit.###
