BR LA UNION – Pakabuklan a 196 a police officers manipud Region 1 ti naital-o ti ranggo da kabayatan ti simultaneous oath-taking, donning, and pinning of ranks ceremony idi Hulyo 29, 2026.
Ti seremonya a naisayangkat iti PRO 1 Grandstand iti Camp BGen Oscar M. Florendo ket indaulwan ni Police Regional Director / Brig. Gen. Jovencio S. Badua Jr.
Daytoy ket paset ti First Cycle Calendar Year 2026 Regular Promotion Program ti Philippine National Police (PNP) para kadagiti second-level uniformed personnel manipud police corporal agingga police major.
Iti PRO-1, dagiti naital-o ti ranggo da ket pakaibilangan dagiti :
- 51 Police Captain – Police Major
- 4 Police Lieutenant – Police Captain
- 2 Police Executive Master Sergeant – Police Lieutenant
- 9 Police Senior Master Sergeant – Police Chief Master Sergeant
- 36 Police Staff Sergeant – Police Master Sergeant
- 34 Police Corporal – Police Staff Sargeant
- 60 Patrolman – Police Corporal
Iti mensahe ni Police Brigadier General Badua Jr., kinunana a tunggal promosyon ket resulta ti kinagaget, dedikasyon, ken maikari a panagserbi iti ili.
Simbolo pay daytoy kunana iti panagtalek ken kumpiyansa kadakuada ti organisasyon.
Inallokoy na dagiti baro a promote a pulis nga agbalin a modelo, inspirasyon dagiti kakadwa da iti organisasyon, ken napudno a panangipatungpal ti pagrebbengan, para iti naurnos ken natalna a komunidad.
