Imbasura ti Seoul Seongdong Police Station idiay South Korea iti reklamo kontra ti South Korean actor a ni Kim Soo Hyun mainaig iti alegasion a pannakirelasion na iti pimmusay nga aktres a ni Kim Sae Ron idi menor de edad pay laeng daytoy, kalpasan a natakuatan dagiti otoridad a kurang iti ebidensia a mangpaneknek kadagiti akusasion.
Nagrugi iti kaso kalpasan a mangipila ti reklamo iti pamilya ni Kim Sae Ron, a nangibaga a maipagarup a naaddaan ti relasion dagiti dua bayat a menor de edad pay laeng iti aktres. Dimmakel pay iti kontrobersiya idi nangiruar ti alegasion iti YouTube channel nga HoverLab Inc. kontra kenni Kim Soo Hyun.
Idi Abril 2025, nangipila ni Kim Soo Hyun ti civil lawsuit kontra iti pamilya ni Kim Sae Ron ken kadagiti operators ti nasao a YouTube channel gapu kadagiti alegasion a maibatbato kenkuana.
Nainget a pinaglibakan ti aktor dagiti pammabasol ken impaganetget a naaddaan da ti relasion ni Kim Sae Ron iti uneg ti dandani maysa a tawen, ngem napasamak laeng daytoy idi agpada dan nga adda iti umno nga edad. Pinaglibakan na met iti aniaman a pakainaigan na iti pannakatay ti aktres.
Pimmusay ni Kim Sae Ron idi Pebrero 2025 iti edad a 24. Nabigbig isuna kagiti pelikula nga A Brand New Life at The Man From Nowhere, kasta met kadagiti serye nga Hi! School – Love On, Can You Hear My Heart, ken The Queen’s Classroom. Kabayatanna, simmikat ni Kim Soo Hyun kadagiti drama a Queen of Tears, It’s Okay to Not Be Okay, ken My Love from the Star.###
