Mapapati nga immanamongen iti Hamas iti historiko a katulagan a panggep a buwagen iti panagtagikua da iti armas idiay Gaza babaen iti plano ni US President Donald Trump.
Paset iti katulagan ket ti in-inut a panangiyatras kadagiti puersa ti Israel, panangbukel iti baro a gobierno ti Palestine, ken panangikabil ti international stabilization force para iti seguridad ti lugar.
Inawagan ni Trump ti plano kas maysa a “historic agreement” a mangipaay dalan para iti kinakapia ken pannakaibangon manen iti Gaza.
Pinasingkedan met iti Hamas a nakasagana da a mangited iti ‘concession’ tapno maisardengen dagiti insidente ti kinaranggas ken puersaan a panangpatalaw.
Nupay kasta ket agtaltalinaed met a karit iti panangipatungpal daitoy agsipud ta adda latta manen dagiti opisyales iti Israel iti kontra kadagiti kondisyon ti katulagan.
Maipalagip a sumagmamanon a katulagan para iti kinakapia dagiti maar-aramid ngem kanayon met a lablabsingen dagitoy iti Israel a panggep a makontrol iti nalawa a paset ti Middle East.
