Inallukoy ti Malacañang iti publiko a tumulong iti panagbantay ti agtultuloy a panangiwaras ti Local Government Support Fund (LGSF) assistance nga idadauloan ni Presidente Ferdinand R. Marcos Junior.
Kinuna ni Palace Press Officer Undersecretary Claire Castro a dagos nga ipakaammo kadagiti lokal a gobierno ti aniaman nga iregularidad iti panangibunong ti ayuda, nangruna iti libre a 10 a kilo ti bagas.
Maipalagip nga adda dagiti reklamo seknan iti nakurangan a kilo ti bagas a naawat dagiti kuwalipikado a benepisyaryo.
Gapo kadaitoy ket impasiguro ni Castro a saan a baybay-an ti gobierno ti aniaman a pananggundaway ti programa ken dagos a dusaen ti siasinoman a mapaneknekan a manglabsing.
