Imbatad ni Senator Panfilo “Ping” Lacson nga adda napaliiw na a “kwestyonable” a lump sum appropriations para kadagiti infrastructure projects iti singasing a P7.2-T 2027 national budget.
Dawatan na ita iti detalye ken panangilawlawag dagitoy nga appropriations, a posible a madakamat ti Development Budget Coordination Committee (DBCC) briefing inton Agosto 27.
Inlawlawag na a ti lump sum appropriation ket pondo a naitukon ti maysa a proyekto wenno programa nga awan iti detalyado a pakagastaran na.
Kinunana a mabalin pay nu dagitoy ket para ti calamity funds ngem mapagduduaanen nu maitukon kadagiti proyekto pang-imprastraktura.
Adalen da met iti pondo para iti posible a special provisions a mabalin a magundawayan kadagiti unprogrammed appropriations.
Kabayatannam impasiguro met ni Senate Finance Committee Chairman JV Ejercito a saan na a palubosan ti budget insertions iti bicameral conference committee nu awan dagitoy iti bersyon ti Senado wenno Kamara de Representantes.
