Nakatuding a rugyan ti Senado inton Nobyembre 23 agingga Disyembre 1 iti period of interpellation para iti gakat a national budget para inton 2027.
Maisayangkat iti panagtalantan iti session hall idiay Senado kasaruno ti public hearing ti Senate Committee on Finance agraman dagiti mangibagbagi ti civil society organizations (CSOs) inton Lunes.
Nu masurot iti iskedyul, target nga aprubaran iti maikadwa a panagbasa iti gakat a badyet inton Disyembre 3, sakbay iti period of amendments wenno panang-amendar kadagiti probisyon daytoy.
Namnamaen a maisayangkat iti maikatlo ken maudi a panagbasa inton Disyembre 7.
Kabayatanna, tinakderan ni Senate President Win Gatchalian a siguradwen ti Senado a maiyannurot iti Konstitusyon iti 2027 national budget ken saan a mausar iti panagkampanya wenno dadduma pay a panggep nga adda pakainaiganna iti eleksyon.
