BR LA UNION – Umaboten iti 47 ti bilang dagiti natay gapu iti magnitude 7.7 a ginggined a timmama idiay Indonesia.
Segun iti National Disaster Management Agency (BNPB), manamnama nga umadu pay ti bilang dagiti natay, gaputa adu kadagiti nasugatan ket kritikal ti kasasaad da.
Sumagmamano a pasdek ti nakaro a nadadael gapu iti nadakamat a ginggined.
Sinaruno ti panagdayyeg ti magnitude 6.1 nga aftershock.
Inyakar metten dagiti otoridad ti sumagmamano nga residente manipud iti lugar a nag-sentruan ti ginggined.
Agtultuloy ti panagsukisok dagiti opisial kadagiti nadadael a pasdek tapno sapolen nu adda pay dagiti nagaburan gaputi ginggined.
