Dua a menor de edad nga estudyante manipud Ateneo de Zamboanga University (ADZU) Tumaga Campus sadiay Barangay Tumaga, Zamboanga City, Zamboanga del Sur, iti natay, agarop alas-7:45 ti bigat ita nga aldaw ti Martes, Agosto 18, 2026.
Dagiti biktima ket ti Grade 7 a ni Mohammad Abel S. Jalani ken ti Grade 10 a ni Patric Dylan Wee.
Maibasar iti inisyal nga imbestigasyon, nagturong ni Jalani sadiay Room 404 ken pinaltogan na ni Wee. Kalpasanna ket napan daitoy iti maikatlo a kadsaaran ti unibersidad, nagriyaw, ken nagpaltog iti bagbagi na.
Natakuatan pay a ti agpada a biktima ket nakaimet iti 9mm Glock pistol a narekobre asideg ti bangkay da.
Mainaig kadaitoy ket dagos a nagresponde ti Zamboanga City Police Station 7, karamanen ti alert team nga indauloan ni Police Lieutenant Romeo S. Ocmapo Junior.
Nakasangpet da ti alas-7:47 iti bigat tapno iwayat ti seguridad iti lugar, kagiddan iti panagkiddaw ti tulong iti Special Weapons and Tactics (SWAT) ken (Scene of the Crime Operatives) para iti pannakataming ti crime scene.
Ti kaso ket adda ita iti sidong ti investigator-on-case a ni Police Corporal Khadafi Adun ken agtultuloy paylaeng iti imbestigasyon tapno madakamat ti pakabuklan a pasamak ken nu anya iti motibo ti krimen.
