Nagun-od ti trese-anyos a ni Keirsten Fernandez iti maikadua a balitok a medalya para iti Asian Open Short Track Speed Skating Trophy idiay Dehradun, India.
Nagkampeon ni Fernandez iti Junior C Girls’ 777-meter event kalpasan a nairekord iti oras nga 1:19.989, kasaruno ti umuna a gold medal na iti 1,000-meter event.
Nagnayon met ti silver ni Xsandrie Guimba iti Senior Women’s 1,000-meter event kalpasan a nakailista ti 1:52.003.
Nakaala met ti bronze medal ni Zymone Zurbito iti Junior F Boys’ 333-meter event.
Gapu iti pannangabak da, dimmanon iti uppat iti pakabuklan a medalyA ti Pilipinas iti torneo—dua a gold, maysa a silver, ken maysa a bronze.###
