BR LA UNION – Imbilin ti Sandiganbayan iti pannakawayawaya ni sigud a Department of Public Works and Highways (DPWH) Secretary Manuel Bonoan.
Kasaruno daytoy iti naan-anay a pannakaibasura dagiti kaso kontra iti sigud a sekretaryo.
Ti nasao a pammilin a pirmado ti Sandiganbayan Fifth Division ket naiturong iti Philippine National Police (PNP) General Hospital tapno wayawayaan ni Bonoan.
Immuna nga immandar ti Office of the Ombudsman iti Sandiganbayan nga ikkaten ni Bonoan kas co-accused ni Senator Jinggoy Estrada ken dadduma pay nga opisyal gaputi anomalya iti flood control projects.
Plano ngamin ti Ombudsman nga aramiden ni Bonoan nga state witness iti flood control anomalies.
Sipud idi Hunyo ket addan iti kustodiya ti PNP General Hospital ni Bonoan kalpasan a naiyetnag ti warrant of arrest manipud Sandiganbayan.
Kimmiddaw ti hospital arrest gaputi sakit na, a pakaibilangan ti chronic kidney disease ken prostate cancer.
Kinuna met ni PNP Public Information Office chief PCol.Allen Rae Co, nga ita nga agsapa ti Biyernes, Setyembre 4 a posible a mawaya-wayaan iti sigud a sekretaryo agsipudta kasapolan pay a marekisar a naimbag ti sumagmamano a dokumento sakbay a mairwar iti kustodiya dagiti otoridad.
