BR LA UNION – Kinumpirma ni Ombudsman Jesus Crispin ‘Boying’ Remulla nga agsagsagana da a mangipila iti kaso a plunder kontra kada sigud a House of Representatives Speaker Martin Romualdez ken sigud a Senate President Chiz Escudero.
Kinuna ni Remulla nga adda pakainaiganna daytoy iti mapapati a pannakairamanda iti isyu ti korapsiyon iti anomalya dagiti flood control projects ti gobiyerno.
Makuna nga adda ti panagkinnutsabo wenno conspiracy seknan iti proseso ti panangilatang ti pondo ti gobierno idi tawen 2024 ken 2025.
Naiplano ken manamnama a pormal a maipila ti plunder case kontra kadagiti sigud a lider ti kongreso inton sumaruno a bulan ti Mayo.
Iti agdama, isap-sapinal ti Tanod-Bayan ken iringringpas dagiti dokumento a kasapulan tapno makompleto ti kaso a maipila.
Nupay da laeng Sen. Escudero ken Rep. Romualdez ti nainaganan, imbaga ni Ombudsman Remulla nga adda pay ti dadduma a maim-imbestigaran.
