Saan a natuloy iti nakatuding nga arraignment ni Bise Presidente Sara Duterte iti Quezon City Regional Trial Court ita nga aldaw ti Biyernes, Setyembre 11, mainaig iti tallo a bilang ti grave threats.
Nagturong ni Duterte iti Quezon City RTC ken sinango dagiti tagasuportana kalpasan a maitantan iti panagdingngeg.
Sakbay iti arraignment, nangipila iti kampo ti petition iti Korte Suprema, karaman iti kiddaw a mangiruar ti Temporary Restraining Order (TRO) tapno temporario a lapdan iti panangituloy ti kaso iti lower court.
Kinuestion met ti kampo ni Duterte iti hurisdiksion ti Quezon City RTC iti panagdur-as ti kaso bayat nga isuna ket maysa a nakatugaw nga impeachable officer.
Immunan a nangiruar iti QC RTC Branch 98 ti warrant of arrest kontra kenni Duterte idi Setiembre 4 kalpasan a nakitaanda ti probable cause iti tallo a kaso. Naka-piyansa met isuna ti pakabuklan a ₱360,000 idi Setiembre 5.###
