Imbilin ti Sandiganbayan 3rd Division ti pannakaiyakar ni sigud nga House Speaker Martin Romualdez manipud University of the Philippines–Philippine General Hospital (UP–PGH) idiay New Quezon City Jail, Payatas, Quezon City.
Daitoy ket kalpasan nga isubmitir ni UP–PGH Medical Director Doctor Gerardo Legaspi iti independent medical assessment a nagkuna nga clinically stable ni Romualdez ken nababa iti posibilidad a maatake isuna iti puso.
Agtaltalinaed met a kontrolado dagiti saksakiten na kas iti hypertension, diabetes, ken chronic cerebrovascular disease.
Segun kenni Legaspi, mabalinen a mai-discharge ni Romualdez ti aniaman nga oras, ngem kasapulan na latta nga ituloy ti panagagas para iti major depressive disorder.
Pinalubosan ti korte iti aktuwal a pannakaiyakar na iti detention facility.
Pagaammo a dakkel a panagrang-ay ti kaso dagiti binilyon a piso a kickbacks dagiti proyekto ti gobierno iti pannakaarestar ni Romualdez, a nagserbi kas House Speaker iti napalabas a Kongreso sadiay Kamara, nu sadinno ket isuna iti mai-tudtudo kas mastermind.
