Nailista iti kangatoan a ‘finishers’ iti kalkalpas laeng a 2026 Bar Examinations, segun iti Korte Suprema.
Dimmanon iti 99.9% dagiti nakapalpas ti tallo-aldaw nga eksaminasyon — 12,010 kadagiti 12,017 nga examinees iti nagtuloy agingga maudi nga aldaw. Nangrugi iti Bar Exams iti 12,029 examinees manipud iti 13,441 admitted applicants.
Kinuna ti Korte Suprema a daitoyen ti kangatoan ti bilang dagiti ‘finishers’ ti pakasaritaan ti Philippine Bar Examinations.
Naisayangkat iti eksaminasyon idi September 6, 9, ken 13 kadagiti 15 a Local Testing Centers ti nagduduma a paset ti pagilian, kas maiyannurot iti tarigagay ti Korte Suprema nga aramiden a ‘regionalized, digitalized, ken inclusive’ iti Bar Examinations.
Agtaltalek ni 2026 Bar Examinations Chairperson ken Supreme Court Associate Justice Samuel Gaerlan na naitandudo metlaeng iti integridad, kaayusan, ken pakaseknan dagiti examinees.
Nagyaman pay isuna kenni Supreme Court Chief Justice Alexander Gesmundo iti talek ken giya, kasta met kadagiti amin a timmulong iti balligi a pannakaisayangkat na.
Iti Turnover Ceremony ket pormalen nga impasa ni Justice Gaerlan kenni Supreme Court Associate Justice Ricardo Rosario iti responsibilidad a kas sumaruno a chairperson ti Bar Examinations.
