Dinugpar ti China Coast Guard (CCG) vessel CCG-21585 iti Bureau of Fiseries and Aquatic Resources (BFAR) vessel BRP Datu Magat Salamat (MMOV 3015) kabayatan iti panangipatulod na iti petrolyo kadagiti mangngalap a Pilipino idiay West Philippine Sea ita nga aldaw iti Biernes, Setyembre 18, 2026.
Alas-11:04 AM, ti CCG-21585 ket nagmainobra ti sangapulo (10) a metro iti likudan ti BFAR vessel. Alas-11:13 AM, inulit da manen iti maniobra ken dinungpar iti MMOV 3015 isu a nadadael ti starboard railings na, agraman dagiti stanchions, supports, ken deck equipment.
Napasamak iti insidente ti kaadayo laeng a 54 Nautical Miles manipud probisnya ti Palawan, nga adda iti uneg ti Exclusive Economic Zone ti Pilipinas. Kinuna ti Philippine Coastguard a ti insidente ket nangpeggad kadagiti tripulante a Pilipino ken maibilang a panaglabsing ti International Regulations for Preventing Collisions at Sea, ti 2016 Arbitral Award, ken iti United Nations Convention on the Law of the Sea.
Kabayatanna, namandar met iti PCG ken dagiti air assets a tulongan ti BFAR ken ipasiguro nga adda iti natalged a kasasaad dagiti nakalubbon kadaitoy.
Agtultuloy met iti PCG iti panagsuporta ti misyon iti BFAR idiay West Philippine Sea, kas maiyannurot iti pammilin ti President nga amin a Pilipino a mangngalap ket natalged nga aramiden dagiti pagrebbengan da iti bukod a teritoryo ti pagilian.
