Nagpakdaar ni Polish Prime Minister Donald Tusk iti posible a panagraut ti Russia usar dagiti drones ken rocket kontra kadagiti pagilian a mimebro ti North Atlantic Treaty Organization wenno NATO a mangsupsuporta iti Ukraine, agraman iti Poland.
Segun kenni Tusk, posible nga ibilang ti Russia nga “aksidente” dagiti panagraut tapno pakapsuten iti desisyon ti NATO a sumungbat, apaman a matirwan iti teritoryo ti maysa kadagiti mimebro da.
Kinunana pay a narigrigat a madakamat ti baro a jet-powered drone agsipud ta naparpartak ken nangatngato iti tayab na, kas maibasar iti impormasyon ti intelligence manipud NATO, Ukraine, ken Estados Unidos.
Nakapamaysa ita iti Russia iti panagraut kadagiti border crossing tapno matantan dagiti supply lines agturong ti Ukraine.
Nakatuding met nga agbiahe ni Tusk idiay Kyiv tapno pagsaritaan kenni Ukrainian President Volodymyr Zelenskyy iti depensa kontra kadagiti kabaroan a war drones, kasta met dagiti posible a sanctions kontra Russia.
Iti sabali a bangir, kinuna ni US President Donald Trump a dakkel a panagrang-ay iti plano a pannakaipasdek ti permanente nga US Army base idiay Poland, a nabayagfen a kidkiddawen ti Warsaw kas security guarantee kontra iti pangta dagiti Ruso.
