Binilin ni Presidente Ferdinand Marcos Jr. ti Department of Education (DepEd), Department of the Interior and Local Government (DILG), ken Philippine National Police (PNP) nga i-report dagiti addang nga ipatpatungpal da tapno papigsaen iti seguridad kadagiti pagadalan.
Kasaruno daitoy iti pammaltog ti uneg iti Banga National High School idiay South Cotabato a nakatayan ti tallo, pakairamanan ti 16-anyos a barito a suspek, bayat a walo pay dagiti sabali a nadangran.
Imbilin pay ti Presidente iti nainget nga imbestigasyon, partikular nu kasatno a naala ti menor de edad iti 9-mm pistol ti ama na manipud iti secured vault ken nu kasatno na a naiserrek daitoy iti pagadalan.
Kinuna ni Marcos a saan na rumbeng nga agbalin a normal iti biag ti estudyante dagiti school shootings.
Ti insidente idiay Banga, South Cotabato iti maikatlon a school shooting ditoy pagilian ita laeng a tawen, sinaruno daitoy dagiti insidente sadiay Tacloban City idi Hunyo ken Ateneo de Zamboanga University idi Agosto.
