Nagdesisyon iti House Prosecution panel a saanen a mapaayaban pay kas testigo ni Atty. Ariel Ronquillo, deputy commissioner iti Civil Service Commission (CSC), kalpasan nga aprobaran iti senate impeachment court ti subpoenana.
Segun kenni Rep. Terry Ridon, nasakopen ti testimonya da sigud a Sandiganbayan Presiding Justice Amparo Cabutaje-Tang ken Ombudsman Records Division Officer-in-charge Atty. Karen S. Batu ti kaadwan a manamnama nga ibaga ni Ronquillo.
Imbes nga isuna ket impasango lattan ti prosekusyon ni Atty. Gerardo Del Rosario manipud Securities and Exchange Commission (SEC) tapno i-authenticate dagiti corporate records ken business interests ni Bise Presidente Sara Duterte.
Mausar dagiti dokumento iti komisyon tapno iberipikar nu agbatog dagiti indeklara na a sanikua ken biruk iti Statement of Assets, Liabilities, and Networth wenno SALN, karamanen iti panagngato iti net worth na manipud P7.2M idi 2007 agingga nasurok-kumurang P98M idi tawen 2025.
Matingiting pay dagiti General Information Sheet dagiti kompanya a konektado kenni Bise Presidente Sara tapno mailasin nu nagtalinaed isuna kas stockholder ken board member manipud 2022 agingga 2025, kasta met nu adda nalabsing na daitoy a linteg kabayatan ti kaadda iti posisyon.
