Mangpasangbay iti Trump administration ti agingga 17,500 refugees manipud South Africa iti sumaruno a fiscal year, a kangrunaan a maitukon kadagiti white Afrikaners, maibasar iti abiso nga inpatulod ti U.S. State Department iti Kongreso.
Mangrugi iti Fiscal Year 2027 inton Oktubre, ken mapatta-patta a dumanon iti 500 million dollars iti gastusen ti gobierno ti Estados Unidos para iti resettlement program.
Segun iti State Department, makapadpadas ti diskriminasion ken kinaranggas dagiti Afrikaner gapu iti lahida.
Nupay kasta, nainget a pinaglibakan ti South African government nga idaddadanesda iti white minority ken inbaga a dagiti addang daytoy ket nakapamaysa iti panangrisut kadagiti saan a panapapada a nagtaud iti apartheid.
Paset ti kakaisuna a refugee program ti Trump administration iti baro nga admission plan para kadagiti Afrikaners, bayat a nainget daytoy a limlimitaran iti panagserrek ti kaadduan pay a refugee manipud kadagiti dadduma a pagilian a makapadpadas ti gubat ken persekusion.###
