BR LA UNION – Nagturpos iti maika-innem a puwesto iti Philippine men’s artistic gymnastics team iti final ti kompetisyon ti 2026 Asian Games a naisayangkat idiay Nagoya General Gymnasium idiay Japan.
Indaulwan ti two-time Olympic gold medalist a ni Carlos Edriel Yulo, nailista ti Pilipinas ti pakabuklan nga iskor a 227.359, a nangikabil ti bunggoy iti maika-innem a puwesto tapno maartapan iti Vietnam ken Singapore kadagiti walo a bunggoy a limmaban.
Napintas iti nagbalin a rugi ti Team Pilipinas kalpasan a makailista ti 38.099 iti rings ken 42.365 iti vault.
Nupay kasta, bimmaba iti momentum da iti parallel bars ken nailista ti bunggoy ti pakabuklan a 36.099.
Naka-iskor met ni Juancho Miguel Besana iti 10.000, Karl Jahrel Eldrew Yulo ti 11.933, ken Carlos Yulo ti 14.166 iti event.
Iti horizontal bar, nakagun-od ti Pilipinas ti 36.965 bayat a nakailista ti 38.199 iti floor exercise, kabilang iti 14.266 ni Carlos Yulo.
Iti naudi nga event a pommel horse, nagturpos ti bunggoy nga addaan ti 35.632, manipud kada Zachary Nunez (12.333), Besana (11.933), ken Eldrew Yulo (11.366).
Kabayatanna, nagari manen ti China kalpasan a magun-od da ti maikatlo a nagsasaruno a gold medal iti event ken nakaala da ti pakabuklan nga iskor a 255.095
Nagun-od met ti host country a Japan iti silver iti iskor a 253.826, bayat a bronze iti Chinese Taipei iti 239.896.
Maikapat iti Kazakhstan (237.596) ken maika-lima iti Republic of Korea (236.359).
