BR LA UNION – Pagpar-parangen ni Senator-judge Allan Peter Cayetano iti posibilidad a napulitika wenno maim-impluwensiyaan ti impeachment proceedings.
Segun kenni Cayetano, saan nga aksidente ti pannakaibalud da Sen. Jinggoy Estrada ken Sen. Rodante Marcoleta, ken iti naan-anay a panagpukaw ni Sen. Ronald Dela Rosa.
Impaganetget ni Cayetano nga adda ‘realpolitik’ a mapaspasamak iti proceedings.
Kinuna na a saan nga aksidente iti kaawan iti proceedings dagiti agpapada a senator-judges manipud oposisyon.
Kabayatanna, tinakderan ni Sen. Erwin Tulfo a naipanawen ti panang-repaso iti 2/3-vote treshold a kasapoln para iti conviction ti maysa nga impeachable official.
Segun kenni Tulfo, adun ti nagbaliw sipud nangrugi ti impeachment trial isunga kasapolan nga ikonsidera ti impeachment court dagiti napasamak, kas ti pannakaibalud iti sumagmamano a senator-judge.
Segun pay kenni Tulfo, adu kadagiti miyembro ti senate court ket saan a nakadar-ay iti proceedings – banag a rumbeng nga ikonsidera bayat ti panagtultuloy ti panagusig.
