Inikkaten ti Department of Information and Communications Technology (DICT) iti ban iti messaging platform a Discord kalpasan iti pannakitaripnong daytoy iti Cybercrime Investigation and Coordinating Center (CICC) ken mangidadaulo ti platform.
Segun kenni DICT Secretary Henry Aguda, nagkari iti Discord ti napartak nga addang tapno papigsaen iti proteksion kadagiti agtutubo online.
Inbatad met ti platform iti Global Teen Experience nga addaan panggep a siguraduen a makastrek dagiti menor de edad kadagiti espasio a maiyannatup iti tawenda.
Nagkiddaw met ti dispensar ni DICT Undersecretary Renato “Aboy” Paraiso, executive director ti CICC, kadagiti naapektaran ti sumagmamano nga oras a panangiparit.###
