BR LA UNION – Nagdisso ti Russian drone iti paset ti Northern Bridge, idiay Kyiv, Ukraine.
Maibilang daytoy a kangrunaan a rangtay idiay Kyiv, a kapital ti Ukraine.
Napasamak ti panagraut bayat nga adda iti nasao a siyudad ni German Chancellor Friedrich Merz kas panangipakita ti suporta kenni Ukrainian President Volodymyr Zelensky.
Segun kenni Kyiv Mayor Vitaliy Klitschko, dua nga indibidwal ti nadundunor iti nasao a panagatake.
Maibasar it video, makita a timpuar ti dakkel nga apoy ken napuskol a nangisit nga asok idi timmama ti maysa a drone bayat ti panagdalyasat dagiti lugan.
Maibasar iti report, naminduan a daras a napabettakan iti Northern Bridge iti uneg laeng ti dua nga aldaw, bayat nga agtultuloy a pap-papigsaen ti Russia ti panagraut na iti kabisera ti Ukraine.
Immuna ti daytoy, natirwan ti namin-lima a daras iti uneg ti awan pay 24 nga oras iti Southern Bridge ti Kyiv, nga us-usar met laeng dagiti lugan ken subway system iti siyudad.
