Namnamaen a makinabang dagiti mannalon kadagiti inisyatiba ti ASEAN Food Security and Agribusiness Summit 2026 a tarigagay a papigsaen iti seguridad ti taraon ken parang-ayen iti sektor ti agrikultura ditoy Southeast Asia.
Karaman kadaitoy iti panaglukat ti ad-adu pay nga oportunidad iti merkado, pagpasayaat ti produksyon, ken panangallukoy kadagiti agpupuunan ti agribusiness tapnu mapangato iti birok dagiti mannalon.
Tarigagay pay ti summit a papigsaen iti koneksion dagiti mannalon, negosyante, ken dadduma pay a kabinnulig a sektor ti agrikultura tapnu mapasayaat iti suplay ken distribusyon dagiti produkto a taraon ken masungbatan dagiti karit ti food security iti rehiyon.
