Inwaragawag ti Department of Information and Communications Technology wenno DICT ti panagkadwa ti Globe ken Starlink a mangipalubos para ti ordinaryo nga LTE mobile phones a makaaramid ti panagtawag, makapatulod kadagiti texts, ken makausar ti mobile data babaen iti direkta a satellite a saanen a kasapulan pay dagiti cell towers.
Usar ti Starlink’s 650+ low-Earth orbit satellites kas “cell towers in space,” mabalin iti sistema kadagiti phones ken networks, uray awanen ti baro a devices wenno imprastraktura ditoy Earth.
Napateg daitoy a teknolohiya ditoy Pilipinas, nangruna maipapan iti panagsagana iti didigra, nu sadinno ket masansan dagiti bagyo a mangdaddadael kadagiti imprastraktura ti komunikasyon.
Ipaspasigurado ti satellite-to-phone connectivity nga agtalinaed nga adda iti komunikasyon uray nu nagsagaba ti nakaro a perdisyon dagiti tore.
Ti Pilipinas, kadwa ti Indonesia, ket napili para ti nasao a merkado; manamnama dagiti pilot testings iti umuna a paset daitoy a tawen a nakapamaysa kadagiti nasusulinek, banbantay, ken disaster-prone areas.
Karamanen itan ti Pilipinas kadagiti grupo ti pagilian a mangaramat ti direct-to-cell satellite technologies.
