Nakaawat ti Philippine Coast Guard iti uncrewed surface vessel (USV) manipud iti Global Maritime Crime Program ti United Nations Office on Drugs and Crime (UNODC).
Kas resultana, ti PCG ti kaunaan nga maritime security organization ditoy Southeast Asia (SEA) a nakaawat iti unmanned surface vessel a makabael a mangurnong iti datos manipud iti tangatang ken taaw.
Maibasar met iti US National Oceanic and Atmospheric Administration, ti uncrewed surface vessel ket mabalin a maiprogram wenno kontrolen dagiti operator iti baybay tapno mangaramid kadagiti pre-planned missions.
Iti daytoy a lawas, nalpasen ti harbor acceptance test ken sea acceptance trial ti uncrewed surface vessel idiay Subic, Zambales.
Nakatuding koma a maangay ti uncrewed surface vessel turnover ceremony iti PCG headquarters sadiay Manila idi Biernes ngem nakansela daytoy gapu iti conflict of schedule.
Iti agdama, ti unmanned surface vessel ket addan idiay headquarters ti Philippine Coastguard.
