BR LA UNION – Nangrugin iti 6th joint humanitarian, disaster relief drills ti Japan ken Pilipinas iti kangrunaan a base miltar ken civilian airports iti Luzon ken idiay Visayas.
Nangisayangkat ti Armed Forces of the Philippines (AFP) ken Japan Self-Defense Forces (JSDF) ti “Doshin-Bayanihan 6-26” exercise manipud Oktubre 4 agingga 9.
Segun iti Japan Air Self-Defense Force a ti nasao a panagsanay ket maisay-sayangkat idiay Mactan-Benito Ebuean Air Base idiay Cebu, Daniel Z. Romualdez Airport idiay Leyte, ken Puerto Princesa International Airport idiay Palawan nga asideg iti West Philippine Sea.
Addaan ti KC-130H military aircraft iti Air Self-Defense Force ti Japan ken 40 a personnel manipud iti Air Support Command bayat a ti Philippine Air Force (PAF) ket usarenna iti C-130H ken dagiti suldado ti pagilian para iti war games.
Karaman iti panagsanay iti airdropo, load/offload training, takoff ken landing usar ti night vision goggles.
Adda pay panagsanay da iti mass casualty training ken aeromedical evacuation training.
Iti kangitingitan ti exercise ket agsuplay ti fuel iti Philippine Air Force kadagiti eroplano ti Air Self-Defense Force ti Japan.
Nangrugi ti Doshin-Bayanihan idi Hulyo 2021 idiay Clark Air Base idiay Pampanga a ti kaipapanan ti Doshin ket ‘agpada ti panunot.’
