Siniguro ni Senator JV Ejercito a saan a mausar ti gakat a national budget para iti tawen – 2027 tapno impluwensiyaan iti impeachment trial kontra kenni Vice President Sara Duterte.
Kas chairman ti Senate Committee on Finance, pinaglibakan ni Ejercito iti alegasyon ti bise presidente a mabalin nga usaren iti pondo ti gobiyerno para iti panag-pulitika ken panangallokoy kadagiti mammanday linteg nga agbotos a pabor iti conviction iti impeachment trial.
Immunan a kinuwestiyon ni Duterte nu maus-usar iti gakat a 2027 national budget iti maipagarop a panangibunong ti kuwarta ken katulagan pampulikta
seknan iti impeachment proceedings.
Impaganetget na a rumbeng a nakasentro ti pondo iti ili, iti panagserbi kadagiti Pilipino, imbes nga usaren tapno impluwensiyaan dagiti senador nga agserserbi nga ukom iti panagusig ken dagiti miyembro ti House of Representatives.
Saan metten a dinakamat ti bise presidente dagiti partikular a transaksiyon wenno indibidwal a maipagarop a karaman iti makunkuna a panagpulitika.
Segun kenni Ejercito, mangnamnama a saan a pagdu-dua-an dagiti senador nga agserbi kas senator-judges iti impeachment trial.
Kinuna na nga adu dagiti parikot ken karit a kasapolan nga ipamaysa ti gobyerno, ngem paset iti pagrebbengan dagiti senador, iti panangipatungpal ti konstitusyonal a responsibilidad iti impeachment proceedings.
