Nainget a pinaglibakan da Senate President Sherwin Gatchalian ken Senator Erwin Tulfo dagiti alegasyon ni Vice President Sara Duterte a mau-usar iti gakat a 2027 national budget kas “bargaining chip” wenno gunguna tapno i-pressure dagiti senator-judge nga agbotos para iti impeachment conviction na.
Impaganetget ni Gatchalian nga “awan ti kasta a banag” ken awan kinapudno na a maipapa-in iti national budget kadagiti senador.
Kinuna na, iti deliberasyon ti budget ket sabali ken nakasina iti agbalin a pangngeddeng ti impeachment court.
Innayonna a madadael laeng iti reputasyon ti impeachment court nu tutupan dagiti awan basaran nga akusasyon, agsipudta iti tarigagay ti Senado ket mangipaay ti patas ken awan ti mapab-paboran iti panag-desisyon.
Kabayatanna, binabalaw met ni Senador Erwin Tulfo ni Vice President Sara Duterte gaputi waragawag ken alegasyon na, a mausar iti 2027 National Budget kas gunguna dagiti senator-judge iti panagbotos da iti conviction ti impeachment trial.
Segun kenni Tulfo, saan pay a nalpas ti trial ken awan pay ti desisyon dagiti senador, isunga pakasdaawanna nu nangalaan ni VP Sara ti nasao nga ideya.
Impaganetget na nga awan ti mangpres-pressure kadagiti senator-judge tapno i-convict iti bise presidente, ken amangan nu bukodna na laeng nga opinyon daytoy ni VP Sara.
