Lalo pay a pimmigsa ti Super Typhoon Champi, nga iti agdama ket agtaltalinaed iti ruar ti Philippine Area of Responsibility (PAR).
Maibasar iti 11:00 PM advisory ti state weather bureau, naudi a nasaripatpatan iti sentro ti mata ti bagyo iti kaadayu a 1,680 km daya t Southeastern Luzon, kabuyog na ti angin a 195 km/h asideg iti sentro, ken kapegges a dumanon it 240 km/h.
Dup-dupagenna iti laud amianan-a-palaud iti kapartak a 15 km/h.
Agtultuloy a dupagen ti Super Typhoon Champi ti nasao a direksiyon agingga a sumrek iti PAR, agsapa wenno malem ti Martes, Oktubre 20.
Apaman a sumrek iti PAR, maikkan daytoy ti local name a ROSAL.
Maibasar iti forecast, agtalinaed a napigsa ti Super Typhoon agingga a dumanon iti kapigsaan wenno peak intensity bayat nga adda iti Philippine Sea inton Miyerkoles.
Iti nasao a kondisyon, posible a maipangato ti Wind Signal No. 2 wenno 3 kadagiti lugar iti northern ken eastern portion ti Northern Luzon ken sumagmamano a paset ti Bicol Region.
Apaman a dumanon iti peak intensity, dagus met laeng a kumapsot inton Huwebes, Oktubre 22.
Nupay nababa ti tiyansa nga ag-landfall ti Super Typhoon Rosal, mangigubway latta daytoy iti narungsot nga angin iti kaadwan a lugar iti Luzon , Visayas, ken sumagmamano a paset ti Mindanao ken napigsa a panagtudo iti Extreme Northern Luzon.
Namnamaen a rumwar ti bagyo iti PAR inton Sabado, Oktubre 10, 2026.
