Manamnama iti kabaroan a panagngato ti pamasahe kadagiti eropuerto manipud Nobyembre 1 kasaruno ti panagngatp ti fuel surcharge ti Civil Aeronautics Board (CAB) iti Level 17 para inton Nobyembre 1 agingga 15.
Ad-adda a nangatngato nu iyarig iti Level 16 a naipatungpal idi Oktubre 16 agingga inton 31.
Iti kabaroan a lebel, addaan ti kanayunan a ₱559 agingga ₱1,635 kada pasahero iti domestic flight, bayat a ₱1,846.10 agingga ₱13,726.58 iti surcharge kadagiti international flight.
Ad-adda a nangatngato daitoy kaysa iti sigud a ₱525 agingga ₱1,535 para iti domestic flights ken ₱1,733.76 agingga ₱12,891.29 para iti international flights.
Naipataw iti fuel surcharge tapnu makatulong iti panagsungbat ti gasto kadagiti airlines iti tengnga ti panagbalbaliw ti presyo ti aviation fuel.
