Nagpanawagan ni Presidente Ferdinand “Bongbong” Marcos Jr. iti publiko a saan a maalarma iti agtultuloy a panagkapuy ti piso kalpasan a dimmanon iit ₱64 kada doliar ken nakairekord iti sabali pay a kababaan.
Iti interview ita a Mierkoles, Oktubre 28, kinuna ti Presidente nga itultuloy ti gobierno ti amin a posible nga addang tapno suportaran ti peso ken malapdan ti agtultuloy a panagkapuy daytoy kontra iti doliar.
Segun kenni Marcos, karaman kadagiti rason ti panagbaba ti balor ti piso ket ti agtultuloy a panagngato ti presio ti krudo iti sangalubungan a merkado ken ti pannakapapigsa ti doliar.
Impasigurado pay ti Presidente nga adda umdas a wagas ken pamay-an ti gobierno a mangidepensa iti pateg ti lokal a kuarta.
Idi kalman Martes, Oktubre 27, nagserra ti peso iti ₱64.17 iti kada doliar, ti maika-33 a rekord a nababbaba ita a tawen.
Nupay kasta, ti agtultuloy a panagkapuy ti pisos ket mabalin a mangpaadu iti gastos kadagiti imported products, agraman kadagiti produkto petrolyo, ken mangnayon iti pressure iti presio dagiti tagilako.
