Imbida ni Presidente Ferdinand Marcos Jr. ita nga Huebes ti naiplano a PhP120-billion elevated road project a mangikonektar iti Balintawak, Quezon City, ken Bocaue, Bulacan, kas paset ti panagregget ti gobierno a mangpapartak iti panagayus ti trapiko, mangkissay iti oras ken gastos iti panagbiahe, mangpataud iti panggedan, ken mangtignay iti ekonomia babaen ti panangpalawa iti panagpuonan iti imprastruktura.
Kinuna ti Presidente nga aramiden ti MVP Group ti proyekto a makitinnulong iti SMC kalpasan a kiniddawna nga agtitinnulong dagiti dua a grupo tapno mapaadu ti ruta a mabalin a pagnaan dagiti motorista.
Segun iti Presidente, napateg nga ituloy ti pannakapadur-as ti imprastruktura tapno mapasayaat ti sistema ti transportasion, maksayan ti panag-irut ti trapiko, maksayan ti oras ti panagbiahe ken gastos dagiti mangmangged a Pilipino, ken mapaadu ti produktibidadda.
